പാലക്കാട് ഉപതെരഞ്ഞെടുപ്പിൽ പോളിംഗ് ശതമാനം 70 കടന്നു . എന്നാല് പോളിംഗ് കുത്തനെ കുറഞ്ഞത് സ്ഥാനാര്ത്ഥികളെ ആശങ്കയിലാക്കി. 2021 ൽ 73.71 ശതമാനമായിരുന്നു പോളിംഗ്. ഇത്തവണ ഇത് 70.51 ശതമാനമായി കുറഞ്ഞു. മൂന്ന് ശതമാനത്തില് ഏറെയാണ് പോളിംഗിലെ കുറവ്. ബിജെപി ശക്തി കേന്ദ്രമായ പാലക്കാട് മുനിസിപ്പാലിറ്റിലുണ്ടായ പോളിംഗ് വര്ദ്ധനവും പിരായിരി, കണ്ണാടി, മാത്തൂർ പഞ്ചായത്തുകളില് വോട്ട് കുറഞ്ഞതും മുന്നണികളുടെ പ്രതീക്ഷകള് തകിടം മറിച്ചു.
